GURE BARATZA

Irailean, oporren ostean, baratza txukuntzea tokatzen da. Hortarako, belarra mozten hasi gara, bankaletako belar txarrak kentzen eta lurra mugitzen ere, uzta berria landatzen hasteko.
Bestalde, landare, barazki eta bestelako materiala urrian erosiko dugunez, Endaneara egingo dugun bisitan, ikasgelan dagoeneko lehen haziak biltzen eta germinatzen hasi gara.
Tipula eta baratxuriak orain udazkenean landatuko ditugu gure baratzan, horretarako baratxuri aleak germinatzen jarri ditugu, baita tipula ere gure tailerrean. Emaitza onak lortu ditugu, lehen zurtoinak bota bait dituzte. Hori bai, instituto osoan zehar baratxuri usaia hedatzea lortu dugu. Ups!
Gelan iaz egindako negutegi txiki batzuk dauzkagunez, horietaz baliatuko gara, limoia, tomatea eta aguakatea bezalako udaberriko fruituak negutegietan landatzen hasteko.
Aguakatea, tomatea eta limoien haziak besterik ez ditugunez erabiliko, sukalderako erabiliko dugu fruitu hauen haragia. Hain zuzen ere, GUAKAMOLE goxo bat prestatzeko. Beraz, Davidek, sukaldeko irakasleak, eta Xabierrek, baratzeko irakasleak, saio bat antolatu dute, nun alde batetik barazki eta fruituen haziak bildu eta hauen haragia tupper-etan ondo gordetzen ikasiko dugun, hurrengo egunean guakamolea prestatzeko.