GAZTA TARTA

Gaur labea erabili gabe egiten den gazta-tarta prestatu dugu, eta crumblea hutsetik egiten ere ikasi dugu. 
Hona hemen bi errezetak, labur-labur! 

Labe gabeko gazta-tarta.

Osagaiak: 

- 200 g gaileta 

- 80 g gurin urtu 

- 400 g gazta krema

- 350 ml esnegain

- 100 g azukre

- 4 gelatina-orri 

- mermelada

Prestaketa: 

Birrindu gailetak, nahastu gurinarekin eta zapaldu moldearen hondoan; sartu hozkailuan. 

Hidratatu gelatina ur hotzetan. 

Berotu esnegain pixka bat eta bertan urtu gelatina. 

Nahastu gazta krema, azukrea eta gainerako esnegaina; gehitu gelatina eta bota nahasketa gaileta-oinarriaren gainean. Utzi hozkailuan gogortu arte, eta bukatzeko, estali mermeladaz. 

Crumblea 

Osagaiak: 

- 150 g irina

-100 g gurin hotz 

- 75 g azukrea

Prestaketa: 

Igurtzi gurina eta irina hatz puntekin, ogi-apurren antzeko nahasketa lortu arte. 

Gehitu azukrea eta nahastu. 

Zabaldu erretilu batean eta egosi 180 °C-an, urreztatu eta kurruskari geratu arte.